أطباق لا تقاوم في هذا المنتدى

أطباق لا تقاوم

حلوى مع القهوة:



المقادير:
حليب نستله مكثف (صغير)
إصبع زبده
كاس حليب بودره
كاس سكر
4 قطع من جبنه كيري
1 قشطه(وسط)
كاكاو اولكر (مكعبات احمر)
بسكوت شاي

الطريقة:
أول شي تحطي الحليب البودر على النار لحد ما يصير لونه بني فاتح.
وبعدين تحطي الزبده في حمام بخار (يعني تحطي قدر فيه ماي وتحطي عليه صحن وتحطي الزبده فيه).
بعدين تخلطي الحليب البودر والزبدة والسكر والقشطة مع بعض .
ولعمل الصلصه تحطي في الخلاط الحليب المكثف والجبن كيري.
بعدين تجيبي صينيه وترصي البسكوت فيها بعد ماتغمسينه في الحليب.
وبعدين تحطين فوقه العجينه الأولى اللي هي الحليب مع الزبدة والقشطة والسكر.
بعدين ترصي مكعبات الاولكر عليها وانتبهي تتركي فراغات وبعدين حطي الصلصة داخل المكعبات.
وللزينه رشي شويه نسكفيه وبعدين حطيها في الثلاجه.
وبعد ماطلعينها من الثلاجهة، تقطعيها وتخلي كل مكعب لحاله وبعدين تحطيها في ورق للزينه......
وصحتين وعافيه
...ايه نسيت تراها مع القهوه... وأتمنى انها تعجبكم..واذا عملتوها وعجبتكم قولوا لي. انتظروا الجديد مع العدد 2 من أطباق لا تقاوم

تحيات