منتدى الخبرة و الاستفادة و التعارف
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الخبرة و الاستفادة و التعارف

مرحبا بكم في المنتدىنتمني لكم قضاء وقت ممتعا تحيات المدير
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 نكة جزائرية

اذهب الى الأسفل 
2 مشترك
كاتب الموضوعرسالة
the king
عضو نشط
عضو نشط
avatar


ذكر
عدد الرسائل : 63
العمر : 33
تاريخ التسجيل : 06/08/2007

حكم اللعبة
نقاط التميز:
نكة جزائرية Left_bar_bleue30/30نكة جزائرية Empty_bar_bleue  (30/30)

نكة جزائرية Empty
مُساهمةموضوع: نكة جزائرية   نكة جزائرية Icon_minitimeالثلاثاء أغسطس 07, 2007 9:04 am

قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل
قاتلو امالا أرى 2 كيلو

وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج
ههه

-وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

خخخخخ

واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل

ه

واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا


واحد راح يداوي عند الطبيب تع العينين
الطبيب كتبلو حروف في وحد الطابلو وعلقها في الصور وقال للمريض باش يشوفو شحال يشوف
قالو: واش راه مكتوب
المريض قالو: وين؟
الطبيب قالو في الطابلو
المريض: أما طابلو ماني نشوف حتى طابلو
الطبيب قالو: الي راه معلق في الصور
المريض قالو: صور...مان نشوف حتى صور (مايشوف والو)
ه
واحد راح عند الطبيب
فالو يا دكتور عندي وحد المشكل كبير
قالو الدكتور ايه خير ان شاء الله
قالو: يا دكتور أنا اللي نبدا نهدر معاه يرقد يادكتور يا دكتور...نوض يا دكتور


- واحد ينسى بزاف. راح عند الطبيب
قالو أنا عندي مشكل كبير يا دكتور...ننسى بزاف
الطبيب قالو: من وكتى عندك هذا المشكل
السيد قالو: مشكل؟؟؟ على واش من مشكل راك نهدر؟؟؟؟


وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مر البالي
ه

واحد ليل كامل ماجاهش النعاس
وعلاه؟؟؟
نسى ماغمضش عينيه كي راح يرقد


في وحد المدينة ضربت زلزلة
قاع المدن الي قدامهم تضامنو معاهم وجابولهم المساعدات
في مدينة وحدوخرى فيها غير الحابسين
لقاوهم دايرين مسيرة ورافدين لافتات مكتوب فيهم
" لا للزلزلا.....فليسقط الزلزال"


وحد الحابس...جاب البك وكان رايح يقرا في الجامعة..بصح خاف يضحكو عليه
يماه قاتلو ماتخافش. يضحكو عليك النهار اللول والثاني ومن بعد في النهار الثالث مايضحكوش عليك
قاللها خلاص. نروح النهار الثالث


وحد النملة كانت رايحة للسبيطار
لقاها العساس تع السبيطار وقاللها واش جيتي ديري؟؟
قاتلو: سمعت بلي صاحبي الفيل راه مريض. وانا جيت نتبرعلوا بالدم.

وحد النملة مع وحد الفيل جاو طالعين في الكار
الفيل ماكانش عندو الدراهم باش يخلص
النملة قاتلو ماتخافش. اتخبا موراي

المعلم سقسا التلاميذ انتاوعو
شكون فيكم يعطيني 3 حيونات برمائية
وحد التلميذ قالو: ضفدع ومرتو ووليدهم الصغير


واحد كان رايح للسينما ومدي معاه سلوم
سقساو واحد صاحبو: وين راك مدي السلوم
قالو للسينما. راه رايح يلعب قيلم طويل

كان واحد البوليسي حابس
وحد المرة حبس واحد في براج. قالو واش تخدم
الراجل قالو محامي
قالو البوليسي وري كوارطك
شاف فيهم ميزلن تع العدالة
قالو البوليسي: أطلع معاي. تخدم خضار وتقولي محامي


كان فيه 3 نساء ينساو بزاف
راحو عند وحدة صاحبتهم. حطتلهم القهوة ومن بعد انساو بلي شربو وقالولها جيبيلنا قهوة مازال ماشربناش
وهكذا حتى شربو 6 مرات
وكي خرجو . وحدة منهم قاتلهم: شفتوا. فنجال قهوة ماجابتهولناش

واحد شاف في التلفزيون عن كيفاش خطفو طيارة وبدلولها المسار
راح خطف قطار اي رايح لوهران وقالو روح لقسنطينة


كان واحد راكب في الطيارة وكانت رايحة تطيح
البيلوط-الطيار- قال للناس اللي راكبين: الطيارة رايحة تطيح
قاع خاقو الا واحد. سقساه البيلوط قالو وعلاه انت ما راكش خايف كي راهي رايحة تطيح
قالو: خليها تطيح. وعلاه الطيارة انتاعي باش نخاف


بحمد الله وبعونه أنهيت سرد الـ25 نكته
أعتقد اني أستحق أكثر من وسام

هذي ماشي نكته....هذي صح
هه



فيه واحد شاب حاب يقول لشابة مارة في الشارع فقال لها¦

-صباح الخير غزالتي...بس الشابة ما تتكلمش

عاود الشاب و قال لها من جديد¦

-صباح الخير حمامتي...الشابة تكلمت¦ قل لي صباح الخير عصفورتي...

فرد الشاب¦ المهم حيوان


أم و ابنها يسكنون في وسط الصحراء (جاهلين)

مرض الأبن و أغمي عليه ..فأخدته أمه الى الطبيب

بس الطبيب جاهل أيضا....

فحص الطبيب الأبن جيدا ..وقال ل الأم المريض(ابنك مات الله يرحمو)

نهض الأبن بعد ما كان مغمى عليه...وقال للأمه¦ أنا حي يا أمي مش ميت

قالة الأم¦ أسكت يا ولد متعرفش خير من الطبيب........


فيه رجلين مخترعين بس واحد فيهم غبي ..ارسلو الى غابة اللأمزون......

ألقو القبض عليهم قطاع الطرق.....

قالو لهم ¦ كل واحد فيكم يخترعلنا حاجة نطلقوا سراحكم.....

بعد أيام لأول قال لهم اخترعتلكم سيارة بالحطب تمشي 10امتار

فجربوها فمشت 5 امتار فقط

فسمحو له و اطلقو سراحه..

بس الغبي قال لهم جيت لكم بي اختراعي....

قالو له¦ ماهدا اللأختراع؟

قال لهم ¦ اتبول من صرتي..

قالو له¦ ارنا كيف

بس الغبي تبول عادي...قالو له¦ تتمسخر بنا...لن نطلق سراحك..فرد عليهم¦ الأول 5امتار سمحتو له ..و انا 5سنتمترات ما تسمحوليش

قالك حافلة تزوجت مع تونوبيل تاع لبوليس زاد عندهم طفل واش سماوه؟؟؟؟؟؟؟؟؟؟بروسي
ههه

قالك سرات اكسدنت بين 2 مرسيداس اخر عيطة ..بداو يداوسو صحاب الكرارس في ما بيناتهم........حبس واحد مولا R4 رايبة واش قاللهم؟؟؟

ماتتقلقوش تقدرت..و حنا قاع عندنا الماتريال و نخافو عليه


قلك واحد حكمو عليه ب الأعدام..قالولو كاش حاجة نجيبوهالك قبل ما تموت
قاللهم البتيخ.......قالولو ما راناش في وقتو...قاللهم نستناو حتى يجي وقتو


قالك زوج يهدرو بالمعاني فيما بيناتهم و كل واحد يكره لاخر..كان جاي واحد فيهم مع الكلب تاعو(حشكم)
قالو لاخر عقلت الكلب من بعيد باه عرفت بلي نتا...واش قالو الأخر؟؟؟
الكلاب يعقلو بعضهم بعض


قالك نهائي كاس العالم بين النمل و الفيلة
خلاص الشوط الأول بنتيجة عريضة لصالح الفيلة 10-0
دخلو ليفيستيار واش قال مدرب النمل لخطة الشوط الثاني؟؟؟

ما فيهاش دوروهالهم قوة

قالك زوج و زوجة مطلقين..عندهم طفل..كي يحب الزوج ينسجم مع الزوجة السابقة يبعث وليدو الصغير للزوجة يقوللها قالك ابي راني حاب نعيت بالتيليفون و تجي ليه..و دايمن هاكا
واحد الننهار ما حبتش الزوجة ..املا زعف الرجل و قال لوليدو قوللها ياطيك الصحة راح نعيط عند مرأة أخرى..راح ليها الطفل و قللها ..عاودت بعثاتو قالتلو قولو ادا راك حاب نفتح تاكسي فون في هدي الدار..........هه
فهمتوها؟؟؟؟

قالك واحد سكر و جا فالليل للدار ..عاد يدقدق فالباب فتحت عليه اختو....واش قاللها

وين كنت يابنت الحرام هدا وين تجي للدار


بوليسي حب يدير بروسي املا نهار كومبلي مالقاش السبة
طاح شويا ليل جاي واحد بالموتو ..حبسو البوليسي و قلبو مليح و مالقاش السبة ثاني
سقساه البوليسي قالو ماتخافش بالمتو فاليل...
رد عليه مول الموتو.لالا انا دايمن على ربي و النبي
قالو البوليسي حبس بروسي راك مركب 2

قالك واحد كان يجري بالتونوبيل وحد 220
حبسوه في براج بدا البوليسي يعمر فالبروسي
املا مالقاث واش يكتبلو..افراط في السرعة قليل ..سرعة فائقة قليل...املا كتبلو محاولة طيران

قالك زوج مسطولين واحد فيهم نطق..واش هو اللأسم الحقاني تاع رونالدو؟؟
قالو لاخر..صالح
قالو كيفاه عرفت
قالو البارح تفرجت ماتش قال المعلق مخالفة الصالح رونالدو


قالك واحد مزير على الدورو
قالك شي كفاه شرى كيلو تفاح....
كلى اللولا لقى فيها الدود ..رماها
زاد الدوزيام لقاها كما اللولا...........واش دار؟؟؟
طفى الضوء و كمل كلى


قالك واحد شرى لوطو أونقلاز (anglaise) ، خرج بيها وحد النهار طالع لوهران...حبس عند باراج....شافيه gendarme وقالو فوت...apres دار لصاحبه قالو : واقيلا رانا قالبين الباراج..ههه


قالك واحد راح لليبان ..مالقاش واش يخدم ..املا قال والله غير نبدى نبيع الزلبياء
غدو من داك راو يخدم حتى وصل ليه واحد ياباني دربو ...عالاه؟؟؟
لقى اسم اختو فالمقلى


قالك واحد نوض أمو...قلعت ههه


قالك واحد صرط ميا دورو...جاته la tonalitéهه


قالك واحد كان يقارع ليلة القدر اطيح عليه....كي جات فالدقيقة تاعها ، دعى ربي: يا ربي حتي نرجع صغير...
ولا طفل عنده 3 ans ، جاه بوحمرود أيا و مات هه

قالك زوج كانو ماشيين، لقاو دورة ، واحد دار....ولاخور ..فيلا


قالك معلم سقسا التلاميذ: شكون يسميلي حشرة......قاله تلميذ: معلم نحلة........المعلم: جيد
ناضله تلميذ وحداخر: معلم معلم...نحلة........قالو المعلم : ca yest قالها زميلك
التلميذ: ألا ...هاذي نحلة وحداخرا


قالك واحد راح يخطب، سقساه الأب: واش تخدم ولدي
قاله:...أووووو pharmacien
إيييييه الله يبارك....الطفلة راهي ليك
غدوا من ذاك ، فات عليه يبع فالكرنتيكا...كي شافه الطفل قال للمشتري
شوف هاذي عضة صباح وعضة العشية.........تريح ان شاا
الرجوع الى أعلى الصفحة اذهب الى الأسفل
ilyass21
عضو نشط
عضو نشط
ilyass21


ذكر
عدد الرسائل : 78
العمر : 30
تاريخ التسجيل : 06/08/2007

حكم اللعبة
نقاط التميز:
نكة جزائرية Left_bar_bleue15/15نكة جزائرية Empty_bar_bleue  (15/15)

نكة جزائرية Empty
مُساهمةموضوع: رد: نكة جزائرية   نكة جزائرية Icon_minitimeالثلاثاء أغسطس 07, 2007 9:09 am

rai3a walakinnaha jid tawila
الرجوع الى أعلى الصفحة اذهب الى الأسفل
 
نكة جزائرية
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى الخبرة و الاستفادة و التعارف :: منتديات الترفيه :: النكت-
انتقل الى: